ტურიზმი

• სწავლების რესურსები

• • პროგრამის პერსონალი 

საბაკალავრო პროგრამას უძღვება სფეროში წამყვანი სპეციალისტებითა და პრაქტიკოსებით დაკომპლექტებული აკადემიური და მოწვეული პერსონალის გუნდი, რომელიც ჩართულია თანამედროვე კვლევებში, საერთაშორისო კოლაბორაციებსა და პრაქტიკულ საქმიანობაში.

• • ინფრასტრუქტურა და სხვა რესურსები

საინფორმაციო კომპიუტერული რესურსცენტრები, სრულად აღჭურვილი სალექციო აუდიტორიები, საუნივერსიტეტო ბიბლიოთეკა მრავალფეროვანი ფონდითა და მდიდარი ელექტრონული რესურსებით, მათ შორის საერთაშორისო ელექტრონული ბაზებით, სტუდენტის რეგისტრაციისა და სასწავლო პროცესის მართვის საუნივერსიტეტო ქსელი „არგუსი” და დისტანციური სწავლების პლატფორმები Turnitin და E-learning, საუნივერსიტეტო და/ან საფაკულტეტო ცენტრები ხელს უწყობს აკადემიური პროცესის ხარისხის ამაღლებას და უზრუნველყოფს პროგრამით გათვალისწინებული სწავლის შედეგების მიღწევას. 

• პრაქტიკული უნარების განვითარება

პროგრამა უზრუნველყოფს სტუდენტთა პრაქტიკული და ტრანსფერული უნარების განვითარებას როგორც შესაბამისი  ცალკეული პრაქტიკული კომპონენტებით, ისე კურსებში ჩაშენებული პრაქტიკული მუშაობითა და დავალებებით. აღსანიშნავია, ილიას სახელმწიფო უნივერსიტეტის სამეწარმეო ეკოსისტემის ხელშემწყობ სტრუქტურებთან (ტექ მეწარმეობისა და ინოვაციების განვითარების ცენტრი, პრეაქსელერატორი Zoom-out, სამეწარმეო ინოვაციების ლაბორატორია Fab Lab და Startup Grind-ის საუნივერსიტეტო წარმომადგენლობა) თანამშრომლობა. ეს სტუდენტებს შესაძლებლობას აძლევს ინოვაციური იდეები აქციონ რეალობად კვალიფიციური პერსონალისა და თანამედროვე დანადგარების დახმარებით. გარდა ამისა, პრაქტიკული უნარების განვითარების მიზნით პროგრამაში ჩართულია როგორც ილიას სახელმწიფო უნივერსიტეტის ბაზაზე არსებული კვლევითი ინსტიტუტები (ბიზნესის კვლევების ცენტრი), ასევე პარტნიორი ორგანიზაციები, რომლებთანაც გაფორმებულია შესაბამისი მემორანდუმები. 

• Erasmus+ გაცვლითი პროგრამები 

სტუდენტებს აქვთ შესაძლებლობა პროგრამის Erasmus+ ფარგლებში პარტნიორ უნივერსიტეტებში ისწავლონ ერთი ან ორი სემესტრით, მიიღონ ევროპული განათლება და გამოცდილება, რითაც მოიპოვებენ კონკურენტულ უპირატესობას როგორც ადგილობრივ, ასევე საერთაშორისო ბაზარზე.

• დამატებითი სპეციალობის (Minor პროგრამის) არჩევის შესაძლებლობა

სტუდენტს შეუძლია სწავლების მესამე სემესტრიდან აირჩიოს დამატებითი სპეციალობა (minor) სხვადასხვა მიმართულებით, მათემატიკა, ფიზიკა, ეკოლოგია, ბიოლოგია, ფსიქოლოგია, სოციოლოგია, ფილოსოფია, პოლიტიკის მეცნიერება, კინომცოდნეობა და სხვ. ან ინტერესის შესაბამისად გაიაროს სხვადასხვა საბაკალავრო პროგრამაში შეთავაზებული სასწავლო კურსები 60 კრედიტის მოცულობით.

პროგრამის ხელმძღვანელი

ასოცირებული პროფესორი გიორგი ქემერტელიძე giorgi.kemertelidze@iliauni.edu.ge

დასაქმების შესაძლებლობები

კერძო სექტორში

• ჰორეკას სექტორი (სასტუმროები, რესტორნები, კაფეები)
• გამყვანი და შემომყვანი ტუროპერატორული კომპანიები
• ტურისტული სააგენტოები
• ღონისძიებების მართვის ორგანიზაციები
• დარგობრივი ასოციაციები

საჯარო სექტორში

• მმართველობითი და საშუალო რგოლის პოზიციები
• დანიშნულების ადგილის მართვის ორგანიზაციები
• ტურიზმის საინფორმაციო ცენტრები
• დაცული ტერიტორიების ადმინისტრაციები
• კულტურული მემკვიდრეობის დაცვის ობიექტები
• მუზეუმები