ფიზიკა და ასტრონომია

მაღალკვალიფიციური აკადემიური პერსონალი
პროგრამას უძღვება მაღალკვალიფიციური აკადემიური პერსონალი, რომელიც წარმოადგენს მაღალი ციტირების ინდექსის მქონე ფიზიკის/ასტრონომიის დარგის წამყვან მეცნიერებს მრავალწლიანი კვლევითი და პრაქტიკული გამოცდილებით. ისინი აქტიურად თანამშრომლობენ ევროპის და აშშ-ს წამყვან უნივერსიტეტებთან.

პრაქტიკული უნარების და თეორიული ცოდნის შერწყმა
პროგრამის მიზანია მოამზადოს კურსდამთავრებული, რომელიც შეძლებს რიცხვითი და ანალიზური მათემატიკური მეთოდების გამოყენებას ფიზიკური მოვლენების თეორიული მოდელებისთვის და ფიზიკის რთული ამოცანების ამოხსნისთვის, მათ შორის კომპიუტერული პროგრამების გამოყენებით; რთული ფიზიკური პროცესების კონცეპტუალურ აღწერას, მონაცემთა დამუშავებას და მიღებული შედეგების ინტერპრეტაციას; არჩეული კონცენტრაციის ფარგლებში თეორიული/ექსპერიმენტული/დაკვირვებითი ან კომბინირებული სახის კვლევითი პროექტის დაგეგმვას და შეასრულებს შესაბამისი ინსტრუმენტების და მეთოდების გამოყენებით.

საერთაშორისო სტანდარტებით შედგენილი მრავალფეროვანი სასწავლო პროგრამა
თანამედროვე ტექნოლოგიები და მათი განვითარება ეყრდნობა ფიზიკის ცოდნასა და გამოყენებას. სტუდენტებს შესაძლებლობა აქვთ, მათთვის საინტერესო მიმართულებით გაიღრმაონ ცოდნა პროგრამაში არსებული მრავალფეროვანი კონცენტრაციების მიხედვით:

• ელემენტარულ ნაწილაკთა ფიზიკა
• თეორიული ასტროფიზიკა
• კოსმოლოგია და გრავიტაცია
• კონდენსირებულ გარემოთა ფიზიკა
• ასტრონომია-ასტროფიზიკა
• ატმოსფეროსა და იონოსფეროს ფიზიკა
• ბიოფიზიკა

კვლევით პროექტებში მონაწილეობა
პროგრამის აკადემიური პერსონალი წარმოადგენს საქართველოში წამყვან კვლევით ინსტიტუტებს და ცენტრებს; აქვთ კავშირები ევროპისა და აშშ-ს უნივერსიტეტებსა და კვლევით ცენტრებთან, რაც სტუდენტებს აძლევს შესაძლებლობას, ჩაერთონ სამეცნიერო პროექტებში და შეასრულონ სამეცნიერო ნაშრომი მაღალი კვლევითი პროდუქტიულობის გუნდში.

საერთაშორისო პარტნიორობა და Erasmus+ გაცვლითი პროგრამები
სტუდენტები შეძლებენ გაიარონ პრაქტიკული და კვლევითი პროგრამები ევროპულ უნივერსიტეტებში, რითაც მოიპოვებენ კონკურენტულ უპირატესობას საერთაშორისო ბაზარზე. პროგრამა აქტიურად თანამშრომლობს იულიხის კვლევით ცენტრთან (გერმანია).

პროგრამის ხელმძღვანელები

ასოცირებული პროფესორი ზურაბ თავართქილაძე  zurab.tavartkiladze@iliauni.edu.ge

პროფესორი ანდრია როგავა  andria.rogava@iliauni.edu.ge

პროფესორი თინათინ კახნიაშვილი  tinatin@iliauni.edu.ge

პროფესორი გიორგი ჯაფარიძე  gia_japaridze@iliauni.edu.ge

პროფესორი თეიმურაზ ზაქარაშვილი temury.zaqarashvili@iliauni.edu.ge

ასოცირებული პროფესორი მაია თოდუა mayatodua@iliauni.edu.ge

პროფესორი ნუნუ მეტრეველი  nunu_metreveli@iliauni.edu.ge

დასაქმების შესაძლებლობები

უნივერსიტეტში ან სამეცნიერო-კვლევით ინსტიტუციებში როგორც საქართველოში, ისე მის ფარგლებს გარეთ; საგანმანათლებლო პროფილის დაწესებულებებში. მიმართულებების მიხედვით:

• ასტრონომია-ასტროფიზიკის, ატმოსფეროსა და იონოსფეროს ფიზიკის კონცენტრაციების კურსდამთავრებულებისთვის: ასტრონომიული ობსერვატორიები, ასტრონომიისა და ასტროფიზიკის მონათესავე სამეცნიერო-კვლევითი დაწესებულებები (იხ. www.aas.org). სახელმწიფო და კერძო სტრუქტურები (სადაც სჭირდებათ სტატისტიკა, მონაცემთა ანალიზი და მოდელირება).
• ატმოსფეროსა და იონოსფეროს ფიზიკის კონცენტრაციის კურსდამთავრებულისთვის: ატმოსფერო-იონოსფეროს შემსწავლელი სამეცნიერო-კვლევითი დაწესებულებები და ობსერვატორიები, რეგიონული და გლობალური კლიმატის ცვლილების შემსწავლელი მონიტორინგის ცენტრები, საჰაერო ნავიგაცია, ჰიდრომეტცენტრები.
  
• ელემენტარულ ნაწილაკთა ფიზიკის, კოსმოლოგიისა და გრავიტაციის, თეორიული ასტროფიზიკის კონცენტრაციების კურსდამთავრებულებისთვის: საინფორმაციო ტექნოლოგიებისა და ელექტრონიკის კვლევითი და გამოყენებითი სექტორი; ორგანიზაციები, სადაც საჭიროა ინფორმაციის (მონაცემების) კომპიუტერული დამუშავება-მოდელირება და სტატისტიკური ანალიზი, ფიზიკის სხვა დარგები და მის ფარგლებს გარეთ.
  
• კონდენსირებულ გარემოთა ფიზიკის კონცენტრაციის კურსდამთავრებულებისთვის: ფიზიკის და მონათესავე მიმართულებებით მომუშავე სამეცნიერო კვლევითი და სასწავლო დაწესებულებები, მაღალტექნოლოგიური პროფილის მასალათმცოდნეობის, ნანოელექტრონიკის და ნანოინჟინერიის კვლევითი ლაბორატორიები და ინდუსტრია; ნანოტექნოლოგიური მიმართულების საპატენტო საქმიანობით დაკავებული სტრუქტურები; გამოთვლითი სისტემების როგორც თეორიული, ასევე IT-საინჟინრო საკითხებზე მომუშავე ლაბორატორიები და კომერციული სტრუქტურები.
• ბიოფიზიკის მიმართულების კურსდამთავრებულებისთვის: ბიოსამედიცინო პროფილის სამეცნიერო დაწესებულებები; კლინიკო-დიაგნოსტიკური ცენტრები. შეძენილი უნარების შედეგად, კურსდამთავრებულს საშუალება ექნება, ეფექტურად იმუშაოს ფიზიკის ფარგლებს გარეთაც (ახალი ტექნოლოგიები, ანალიტიკური სამსახურები და სხვ.).