სოციალური და კულტურული ანთროპოლოგია

სოციალური და კულტურული ანთროპოლოგიის სადოქტორო პროგრამა განსაკუთრებულ მნიშვნელობას ანიჭებს გრძელვადიანი ეთნოგრაფიული კვლევის ტრადიციას, თანამედროვე გლობალური პრობლემებისადმი კრიტიკულ თეორიულ მიდგომებსა და რეგიონული თუ ადგილობრივი ისტორიით ნასაზრდოებ ანალიზს. პროგრამას აქვს ინტერდისციპლინური ორიენტაცია, რაც უზრუნველყოფს დარგთაშორისი დიალოგის განვითარებასა და კვლევითი საკითხების გაფართოებას.

სადოქტორო პროგრამის მიზანია მოამზადოს მკვლევრები, რომლებიც შეძლებენ პროგრამის ერთ-ერთი კვლევითი მიმართულებით (ურბანული ანთროპოლოგია, რელიგიის ანთროპოლოგია, პოლიტიკური ანთროპოლოგია, ეკონომიკის ანთროპოლოგია, სამედიცინო ანთროპოლოგია, ვიზუალური ანთროპოლოგია) ახალი ცოდნის შექმნას დამოუკიდებლად განხორციელებული გრძელვადიანი ეთნოგრაფიული კვლევის საფუძველზე; მოახდენენ ამ ცოდნის ტრანსფერს საერთაშორისო რეფერირებადი პუბლიკაციის დონეზე; მომზადებულები იქნებიან წარმატებული კარიერისთვის როგორც აკადემიურ, ისე საჯარო, არასამთავრობო ან კერძო სექტორებში.

მნიშვნელოვანია, რომ ინტერდისციპლინური ხასიათის გათვალისწინებით პროგრამა ქმნის პლატფორმას ადგილობრივ და საერთაშორისო მკვლევრებთან დიალოგში დოქტორანტების ჩართვისა და მათი დარგობრივი და ტრანსფერული უნარების განვითარებისთვის.

საგანმანათლებლო პროგრამა შემუშავებულია საერთაშორისო უნივერსიტეტების გამოცდილების გათვალისწინებით (კოპენჰაგენის უნივერსიტეტი, ნიუ იორკის უნივერსიტეტი, ტრენტის უნივერსიტეტი, კენტის უნივერსიტეტი, ოსლოს უნივერსიტეტი და არჰუსის უნივერსიტეტი). პროგრამა ეფუძნება სოციალური და კულტურული ანთროპოლოგიის დარგში წარმატებულ საერთაშორისო გამოცდილებას, რაც უზრუნველყოფილია საერთაშორისო ექსპერტთა საბჭოს არსებობით.

სადოქტორო დებულება

მისანიჭებელი აკადემიური ხარისხი:

• სოციალური და კულტურული ანთროპოლოგიის დოქტორი
• PhD in Social and Cultural Anthropology

სწავლების ენა: ქართული

პროგრამის ხანგრძლივობა/მოცულობა: 3–5 წელი (6–10 სემესტრი) – 60 კრედიტი