ძებნა
- არგუსი
- ელ. ფოსტა
- კონტაქტი
ძებნა
შედარებითი ლიტერატურათმცოდნეობის სამაგისტრო პროგრამა, რომლის შესწავლა მხოლოდ ილიას სახელმწიფო უნივერსიტეტშია შესაძლებელი, სტუდენტებს სთავაზობს შესაძლებლობას, შეისწავლონ ლიტერატურა როგორც კულტურული და ღირებულებითი სისტემების რეპრეზენტაციის ერთ-ერთი უმთავრესი მედიუმი და დააკვირდნენ ლიტერატურას როგორც ნაციონალურ, ისე ფართო კულტურათშორის და გლობალურ/ტრანსკულტურულ კონტექსტში, რაც, ერთი მხრივ, უცხო კულტურის გაგების, ხოლო, მეორე მხრივ, კულტურის ერთიან მსოფლიო კულტურულ კონტექსტში გააზრების საწინდარია.
შედარებითი ლიტერატურათმცოდნეობის პროგრამა განკუთვნილია სტუდენტებისთვის, რომელთაც სურთ:
მისანიჭებელი ხარისხი: ჰუმანიტარული მეცნიერებების მაგისტრი შედარებით ლიტერატურათმცოდნეობაში
სწავლების ენა: ქართული
სწავლების ხანგრძლივობა: 120 ECTS კრედიტი, 4 სემესტრი
კვალიფიციური აკადემიური პერსონალი
პროგრამას უძღვებიან დარგის ცნობილი სპეციალისტები, რომლებსაც ცოდნა და გამოცდილება დასავლურ უნივერსიტეტებში აქვთ მიღებული და ითვალისწინებენ მდიდარ საერთაშორისო პრაქტიკას. პროგრამაში ჩართულები არიან ასევე მოქმედი მწერლებიც.
საერთაშორისო გამოცდილება
წარმატებულ სტუდენტებს შეუძლიათ მონაწილეობა მიიღონ Erasmus+ გაცვლით პროგრამებში და სასწავლებლად გაემგზავრონ ევროპის უნივერსიტეტებში (გერმანია, ესპანეთი, იტალია, ჩეხეთი, ავსტრია, შვედეთი, სლოვაკეთი, პოლონეთი, სერბეთი, ნორვეგია, ჰოლანდია, საფრანგეთი, საბერძნეთი).
შედარებითი ლიტერატურის ინსტიტუტი
უნივერსიტეტის ბაზაზე ფუნქციონირებს შედარებითი ლიტერატურის ინსტიტუტი, რომელის ფარგლებშიც ტარდება კონფერენციები და მიმდინარეობს კვლევები მრავალფეროვანი მიმართულებით.
აკადემიური კომპეტენციების განვითარება
პროგრამა უზრუნველყოფს აკადემიური კომუნიკაციის კომპეტენციების განვითარებას კვლევითი ნაშრომის შექმნითა და ლიტერატურათმცოდნეობის აქტუალური საკითხების საკვლევი მეთოდოლოგიის შესწავლით.
პროფესორი ბელა წიფურია bela_tsipuria@iliauni.edu.ge
პროფესორი ლევან ცაგარელი levan_tsagareli@iliauni.edu.ge
კურსდამთავრებულს შეუძლია სწავლა გააგრძელოს სადოქტორო საფეხურზე.
ზეპირ გამოცდაზე კონკურსანტი ფასდება შემდეგი კრიტერიუმების მიხედვით:
შიდასაუნივერსიტეტო გამოცდის ფარგლებში შემოწმდება კანდიდატის აკადემიური მომზადების დონე და ლოგიკური და კრიტიკული აზროვნების უნარი. აკადემიური განვითარებისთვის მზაობისა და მოტივაციის დადგენის მიზნით გამოცდაზე კანდიდატმა უნდა ისაუბროს, რის მიღწევას გეგმავს აკადემიური და პროფესიული თვალსაზრისით, რა არის პროგრამაზე ჩაბარების მოტივაცია და რას მოელის პროგრამისგან (ცოდნა, გამოცდილება, პრაქტიკული უნარ-ჩვევები და სხვ.).
შედარებითი ლიტერატურათმცოდნეობის დასრულებისთვის და ლიტერატურის შედარებითი კვლევების მაგისტრის აკადემიური ხარისხის მოსაპოვებლად სტუდენტმა უნდა დააგროვოს 120 კრედიტი შემდეგი სქემის მიხედვით:
სავალდებულო კურსები: 36 კრედიტი
სავალდებულო-არჩევითი კურსები: 42 კრედიტი
არჩევითი კურსები: არაუმეტეს 18 კრედიტი
სამაგისტრო ნაშრომი: 24 კრედიტი
უნივერსიტეტის ბაზაზე ფუნქციონირებს შედარებითი ლიტერატურის ინსტიტუტი, სადაც იმართება კონფერენციები და მიმდინარეობს კვლევები შემდეგი მიმართულებით:
