ძებნა
- არგუსი
- ელ. ფოსტა
- კონტაქტი
ძებნა
პროგრამის მიზანია მოამზადოს ზოგადი ან უმაღლესი განათლების სექტორის პროფესიონალი, რომელიც:
მისანიჭებელი ხარისხი: განათლების ადმინისტრირების მაგისტრი
სწავლების ენა: ქართული
სწავლების ხანგრძლივობა: 120 ECTS კრედიტი, 4 სემესტრი
სპეციალიზაციის შესაძლებლობა
პროგრამა აძლევს სტუდენტს შესაძლებლობას, ჩამოყალიბდეს ზოგადი ან უმაღლესი განათლების სპეციალისტად. პროგრამის სტრუქტურაში გათვალისწინებულია ძირითადი კურსების ბლოკი, რომელიც ორიენტირებულია განათლებაში მართვის და ლიდერობის, სწავლა-სწავლების, განათლების სექტორის ზოგადი კონტექსტის (მისი სოციალური, პოლიტიკური და ეკონომიკური პარამეტრები) საკითხებზე.
პრაქტიკული და კვლევითი გამოცდილება
პროგრამა მნიშვნელოვან აქცენტს აკეთებს საგანმანათლებლო დაწესებულებებში პრაქტიკისა და კვლევის შესაძლებლობებზე. სტუდენტები იძენენ პრაქტიკულ გამოცდილებას, რაც მათ ეხმარება თეორიული ცოდნის გამოყენებასა და პროფესიული უნარ-ჩვევების განვითარებაში.
მრავალფეროვანი კურიკულუმი
ძირითადი ბლოკის გავლის შემდეგ სტუდენტები არჩევითი კურსების მეშვეობით ცოდნას გაიღრმავებენ ზოგადი ან უმაღლესი განათლების მიმართულებით. არჩევითი კურსების ბლოკის ფარგლებში სტუდენტს შესაძლებლობა ეძლევა, აირჩიოს როგორც მოცემულ ბლოკში, ასევე პროგრამის სხვა ბლოკისა და სხვა სამაგისტრო პროგრამებში შეთავაზებული კურსები.
პორტფოლიოზე დაფუძნებული შეფასება
პროგრამის დასასრულს სტუდენტი წარმოადგენს შემაჯამებელ პორტფოლიოს, რომელიც ასახავს პროგრამის ფარგლებში განვითარებულ კომპეტენციებს. ეს მიდგომა უზრუნველყოფს სტუდენტის მიერ შეძენილი ცოდნისა და უნარების კომპლექსურ შეფასებას.
ასოცირებული პროფესორი ელენე ჯიბლაძე elene.jibladze@iliauni.edu.ge
პროგრამის კურსდამთავრებულებს შეუძლიათ სწავლა განაგრძონ სადოქტორო საფეხურზე.
აპლიკანტს, რომელსაც სურს განათლების ადმინისტრირების სამაგისტრო პროგრამაზე ჩარიცხვა:
მიუხედავად იმისა, რომ ბაკალავრის ან მასთან გათანაბრებული აკადემიური ხარისხი და საერთო სამაგისტრო გამოცდის წარმატებით ჩაბარება პროგრამაზე შერჩევის აუცილებელ წინაპირობას წარმოადგენს, აპლიკანტების რანჟირება ხდება შიდასაუნივერსიტეტო გამოცდის ქულების მიხედვით.
შიდასაუნივერსიტეტო გამოცდა მოიცავს ტესტირებას ინგლისურ ენაში და ინტერვიუს აპლიკანტთან. ინტერვიუს წარმართავენ ილიას სახელმწიფო უნივერსიტეტის განათლების ადმინისტრირების სამაგისტრო პროგრამის ადმინისტრაცია, აკადემიური პერსონალი და კურსდამთავრებულები. ინტერვიუზე მოწმდებააპლიკანტის კომპეტენციები 5 საკვანძო კრიტერიუმის მიხედვით.
აპლიკანტის ინგლისური ენის კომპეტენცია (B1) შესაბამისი ტესტის საშუალებით ფასდება.
აპლიკანტთა შეფასების კრიტერიუმები შიდა საუნივერისტეტო გამოცდის ფარგლებში:
| კრიტერიუმი | მაქს. ქულა |
| 1. განათლების აქტუალურ საკითხებზე მსჯელობა | 25 |
| კრიტერიუმი აფასებს, თუ რამდენად შეუძლია აპლიკანტს განათლების საკითხებთან დაკავშირებული ტერმინოლოგიის გააზრებულად გამოყენება. აგრეთვე, რამდენად იცნობს სფეროს ირგვლივ არსებულ სიახლეებსა და გამოწვევებს. კრიტერიუმის ფარგლებში ფასდება, თუ რამდენად შეუძლია აპლიკანტს განათლების სფეროში კონკრეტული პრობლემების იდენტიფიცირება და მათი კრიტიკული გააზრება. | |
| 2. აკადემიური მიზნებისა და ინტერესების სიცხადე | 20 |
| კრიტერიუმი აფასებს, თუ რამდენად აქვს აპლიკანტს გააზრებული საკუთარი არჩევანი განათლების ადმინისტრირების სამაგისტრო პროგრამაზე ჩაბარებასთან დაკავშირებით. აპლიკანტები შეფასდებიან იმის მიხედვით, რამდენად შეუძლიათ, დაინახონ საკუთარი როლი განათლების დღის წესრიგში და იპოვნონ ისეთი თემატური არეალები, რომლებშიც საკუთარი კონტრიბუციის შეტანას შეძლებენ. | |
| 3. აკადემიური ინტერესების პროგრამის სპეციფიკასთან თანხვედრა | 15 |
| კრიტერიუმი აფასებს, თუ რამდენად იცნობს და თანხვედრაშია აპლიკანტის აკადემიური ინტერესები პროგრამის სპეციფიკასთან. კერძოდ, შეუძლია თუ არა პროგრამას აპლიკანტის აკადემიური/კვლევითი ინტერესების დაკმაყოფილება. აღნიშნული კრიტერიუმის ფარგლებში შეფასების წყაროა აპლიკანტის დასაბუთებული და მკაფიო მსჯელობა აკადემიური და კვლევითი ინტერესების შესახებ. | |
| 4. კომუნიკაციის უნარი | 10 |
| კრიტერიუმი აფასებს, თუ რამდენად შეუძლია აპლიკანტს ცოდნის, არგუმენტების და საკუთარი მოსაზრებების თანმიმდევრულად, მკაფიოდ, ლოგიკურად და დამაჯერებლად ჩამოყალიბება. | |
| 5. დარგში მუშაობის გამოცდილება / დარგობრივ აქტივობებში მონაწილეობა | 10 |
| 1. კრიტერიუმი აფასებს, თუ რამდენად ცდილობს აპლიკანტი განათლების დარგობრივ ფორმალურ თუ არაფორმალურ აქტივობებში მონაწილეობას (კონფერენცია, ტრენინგი, ვორკშოპი და სხვ.) (5 ქულა); | |
| 2. კრიტერიუმის ფარგლებში შეფასდება ასევე აპლიკანტის განათლების სფეროში მუშაობის გამოცდილება (5 ქულა). | |
| შენიშვნა: აპლიკანტმა შიდა საუნივერსიტეტო გამოცდაზე რეგისტრაციისას, სხვა სავალდებულო დოკუმენტებთან ერთად, უნდა წარმოადგინოს ავტობიოგრაფია (CV), სადაც დეტალურად იქნება აღწერილი მისი სამუშაო გამოცდილება ან/და დარგობრივ აქტივობებში ჩართულობა. მნიშვნელოვანია, ავტობიოგრაფიას თან ერთვოდეს შესაბამისი მტკიცებულებები (სერტიფიკატი, ცნობა სამუშაო ადგილიდან და სხვ.). | |
| 6. ინგლისური ენის ცოდნა | 20 |
| ინგლისური ენის გამოცდის შემთხვევაში აპლიკანტებმა უნდა დაადასტურონ კომპეტენციის მინიმუმ B1 დონე. | |
| ქულების მაქსიმალური რაოდენობა | 100 |
| მინიმალური კომპეტენციის ზღვარი | 51 |
განათლების ადმინისტრირების მაგისტრის აკადემიური ხარისხის მოსაპოვებლად პროგრამის ფარგლებში სტუდენტმა უნდა დააგროვოს 120 კრედიტი. გარდა ამისა, პროგრამის დასასრულს სტუდენტმა უნდა წარმოადგინოს შემაჯამებელი პორტფოლიო, რომელშიც უნდა შედიოდეს პროგრამის ფარგლებში მის მიერ შექმნილი საუკეთესო ნაშრომები (მტკიცებულებები), რომლებიც ადასტურებენ პროგრამის სწავლის შედეგებით განსაზღვრულ კომპეტენციებს. შემაჯამებელი პორტფოლიოს კომპონენტში სტუდენტის შეფასების ფორმაა „ჩათვლა“. კურსდამთავრებულს პროგრამა დასრულებულად ჩაეთვლება შემაჯამებელი პორტფოლიოს დადებითად შეფასების შემთხვევაში.
კრედიტები შემდეგნაირად ნაწილდება:
შენიშვნა: არჩევითი კურსების ბლოკის ფარგლებში (12 კრედიტი) სტუდენტს შესაძლებლობა ეძლევა, აირჩიოს როგორც მოცემულ ბლოკში, ასევე პროგრამის სხვა ბლოკისა და უნივერსიტეტის ფარგლებში, სხვა სამაგისტრო პროგრამებში შეთავაზებული კურსები.
