ეკოლოგია

გამოცდილი აკადემიური პერსონალი და საერთაშორისო თანამშრომლობა
აკადემიური პერსონალი თავად აქტიურად მონაწილეობს საერთაშორისო დონის კვლევით პროექტებში და კარგად იცნობს სფეროში არსებულ თანამედროვე ტენდენციებსა და გამოწვევებს. პროგრამა ითვალისწინებს კვლევების რეგიონულ, ნაციონალურ და ლოკალურ კონტექსტებს. პარტნიორ ორგანიზაციებთან თანამშრომლობა კვლევით კომპონენტში ხელს უწყობს კურსდამთავრებულების დასაქმებას და პრობლემაზე ორიენტირებული სწავლების გაღრმავებას.

პრაქტიკული უნარების განვითარება
განსაკუთრებული ყურადღება ექცევა პრაქტიკული (საველე, ლაბორატორიული და ა.შ.) უნარების განვითარებას, ასევე მონაცემთა დამუშავების თანამედროვე მეთოდების ათვისებას.

თანამედროვე ლაბორატორიები და საველე ბაზები
სტუდენტები ჩაერთვებიან ეკოლოგიის, ბოტანიკის და ზოოლოგიის ინსტიტუტების კვლევებში, გამოიყენებენ უნივერსიტეტის კამპუსის ტერიტორიაზე განთავსებული ლაბორატორიების (ტყის ეკოლოგიის ლაბორატორია, ზოოლოგიური ლაბორატორია, ენტომოლოგიური ლაბორატორია, მცენარეების რკვევის ლაბორატორია, მოლეკულურ-გენეტიკური ლაბორატორია) და საქართველოს რეგიონებში წარმოდგენილი ბაზების (საველე სტაციონარები სტეფანწმინდაში, დედოფლისწყაროში და გრიგოლეთში), სამეცნიერო გემის „წმინდა ილია“ ტექნიკურ რესურსს.

პროგრამის ხელმძღვანელი

პროფესორი დავით თარხნიშვილი david_tarkhnishvili@iliauni.edu.ge

დასაქმების შესაძლებლობები

• ბუნებრივი რესურსების დაცვასა და რაციონალურ გამოყენებასთან დაკავშირებულ სამთავრობო და არასამთავრობო ორგანიზაციებში – ეროვნულ პარკებში, ნაკრძალებში, სატყეო, სათევზაო და სანადირო მეურნეობებში;
  
• სამთავრობო სააგენტოებში, ეროვნულ და საერთაშორისო არასამთავრობო გარემოსდაცვით ორგანიზაციებში;
  
• ცხოველებისა და მცენარეების შენახვასთან დაკავშირებულ დაწესებულებებში – ზოოპარკებში, ბოტანიკურ ბაღებში, საბუნებისმეტყველო მუზეუმებში; სამეცნიერო დაწესებულებებში – უნივერსიტეტებში, კვლევით ინსტიტუტებსა და ლაბორატორიებში;

წარმატებული კურსდამთავრებულები შეძლებენ სწავლა გააგრძელონ დოქტორანტურის საფეხურზე.