დიპლომირებული მედიკოსის საგანმანათლებლო პროგრამა „მედიცინა“ (ინგლისურენოვანი)

ძირითადი მოთხოვნები

მედიცინის ერთსაფეხურიან პროგრამაზე სწავლის უფლება აქვს სრული ზოგადი ან მასთან გათანაბრებული განათლების მქონე პირს, რომელსაც გააჩნია სახელმწიფოს მიერ დადასტურებული შესაბამისი დოკუმენტი (ატესტატი).

პროგრამაზე ჩარიცხვის მსურველს ჩაბარებული უნდა ჰქონდეს ერთიანი ეროვნული გამოცდები საქართველოს განათლების, მეცნიერებისა და ახალგაზრდობის სამინისტროს მიერ დადგენილი წესის შესაბამისად. გამოცდებთან დაკავშირებული დეტალური ინფორმაცია განთავსებულია ვებგვერდზე – www.naec.ge.

---

0100135 მედიცინა (ინგლისურენოვანი)

---

გამოცდა	კოეფიციენტი	მინ. ზღვარი	პრიორიტეტი
ქართული ენა და ლიტერატურა	1	25%-ზე მეტი	4
უცხოური ენა (ინგ.)	2	70%-ზე მეტი	3
ბიოლოგია	6	70%-ზე მეტი	1
ერთ-ერთი შემდეგი სავალდებულო საგნებიდან				ადგილების რ-ბა
მათემატიკა	3	20%-ზე მეტი	2	4
ფიზიკა	3	25%-ზე მეტი	2	4
ქიმია	3	25%-ზე მეტი	2	4

---

ჩასაბარებელი გამოცდები

სავალდებულო საგნები:

• უცხო ენა (ინგლისური)
• ბიოლოგია
• ქართული

არჩევითი-სავალდებულო საგნები (ერთ-ერთი):

• ქიმია
• მათემატიკა
• ფიზიკა

---

ჩარიცხვა ერთიანი ეროვნული გამოცდების გარეშე

პროგრამაზე ერთიანი ეროვნული გამოცდების გავლის გარეშე სწავლა დასაშვებია საქართველოს განათლების, მეცნიერების, კულტურისა და სპორტის მინისტრის 224ნ ბრძანების საფუძველზე შემდეგი პირებისთვის:

1. უცხო ქვეყნის მოქალაქეები და მოქალაქეობის არმქონე პირები, რომლებმაც უცხო ქვეყანაში მიიღეს სრული ზოგადი ან მისი ეკვივალენტური განათლება;
2. საქართველოს მოქალაქეები, რომლებმაც უცხო ქვეყანაში მიიღეს სრული ზოგადი ან მისი ეკვივალენტური განათლება და სრული ზოგადი განათლების ბოლო 2 წელი ისწავლეს უცხო ქვეყანაში;
3. უცხო ქვეყნის მოქალაქეები (გარდა ერთობლივი უმაღლესი საგანმანათლებლო პროგრამის მონაწილე სტუდენტებისა და გაცვლითი საგანმანათლებლო პროგრამის მონაწილე სტუდენტებისა), რომლებსაც მიღებული აქვთ კრედიტები/კვალიფიკაცია უცხო ქვეყნის აღიარებულ უმაღლეს საგანმანათლებლო დაწესებულებაში;
4. საქართველოს მოქალაქეები (გარდა ერთობლივი უმაღლესი საგანმანათლებლო პროგრამის მონაწილე სტუდენტებისა და გაცვლითი საგანმანათლებლო პროგრამის მონაწილე სტუდენტებისა), რომლებიც საქართველოს განათლების, მეცნიერებისა და ახალგაზრდობის სამინისტროს მიერ განსაზღვრული ვადით ცხოვრობენ/ცხოვრობდნენ, სწავლობენ/სწავლობდნენ და მიღებული აქვთ კრედიტები/კვალიფიკაცია უცხო ქვეყნის აღიარებულ უმაღლეს საგანმანათლებლო დაწესებულებაში.

---

დამატებითი მოთხოვნები ერთიანი ეროვნული გამოცდების გარეშე ჩარიცხვისთვის

ერთიანი ეროვნული გამოცდების გარეშე ჩარიცხულმა პირმა დიპლომირებული მედიკოსის საგანმანათლებლო ინგლისურენოვან პროგრამაზე სწავლის უფლების მოსაპოვებლად უნდა:

• გაიაროს საუნივერსიტეტო ტესტირება ქიმიაში და ბიოლოგიაში*
• დაადასტუროს ინგლისური ენის** არანაკლებ B2 დონეზე ცოდნა
• გაიაროს ზოგადი ტიპის ინტერვიუ

---

შენიშვნები

*ერთიანი ეროვნული გამოცდების გარეშე ჩარიცხული პირი, რომელიც წარმოადგენს ბიოლოგიური ან მასთან დაკავშირებული მეცნიერებების სფეროში მიღებული კვალიფიკაციის დამადასტურებელ საბაკალავრო ან სამაგისტრო საფეხურის დიპლომს (უცხო ქვეყნის აღიარებული უმაღლესი საგანმანათლებლო დაწესებულებიდან), თავისუფლდება საუნივერსიტეტო ტესტირებისგან.

**ინგლისური ენის გამოცდიდან თავისუფლდებიან პირები, რომლებისთვისაც:

• ინგლისური ითვლება მშობლიურ ენად
• დამთავრებული აქვთ ინგლისურენოვანი საშუალო სკოლა/უნივერსიტეტი იმ ქვეყნებში, სადაც ოფიციალური ენა არის ინგლისური

---

ინგლისური ენის ცოდნის დადასტურება

სხვა აპლიკანტებისთვის განსაზღვრულია ფიქსირებული ინგლისურ ენასთან დაკავშირებული მოთხოვნები. წარმატებული აპლიკაციისთვის კანდიდატს უნდა ჰქონდეს ინგლისურის კვალიფიკაცია შესაბამისი CEFR დონესთან – B2. ინგლისური ენის კვალიფიკაციის დადასტურებისთვის წარმოდგენილი უნდა იყოს:

ა) ოფიციალური საერთაშორისო ინგლისური ენის სერტიფიკატი:

TOEFL

• paper based PBT: 513
• internet based iBT: 65
• computer based CBT: 183

IELTS

• Academic (Band 5.5)

Cambridge ESOL

• Certificate of Advanced English CAE: 160/Level B2 (also grades A/B/C)
• First Certificate in English FCE: 160/Grade C (also grades A/B)
• Business English Certificate (Higher) BEC: 45/Level B2 (also grades A/B/C)
• Business English Certificate (Vantage) BEC: 60/Grade C (also grades A/B)
• Business Language Testing Service BULATS: 60 overall

სხვა სერტიფიკატები

• PTE (General level 3)
• PTE Academic (59-75 points)
• TELC (The European Language Certificates) telc English B2: Pass
• Michigan (Cambridge Michigan) ECPE: Low Pass
• Examination for the Certificate of Competency in English ECCE: Pass
• MELAB: B2

ბ) ინგლისური ენის ცოდნის დამადასტურებელი დოკუმენტი, გაცემული უნივერსიტეტის, საშუალო სკოლის ან კოლეჯის მიერ, რომელშიც მითითებულია, რომ სწავლება ხორციელდებოდა ინგლისურ ენაზე.

დამატებითი შესაძლებლობა: თუ სტუდენტის სტატუსის მოსაპოვებლად კანდიდატმა ვერ წარმოადგინა ინგლისური ენის დამადასტურებელი ცნობა ან ვერ დააკმაყოფილა ზემოთ მოცემული რომელიმე კრიტერიუმი, უნივერსიტეტი შესაძლებლობას იძლევა დაინიშნოს ინსტიტუციური ინგლისური ენის დონის განსაზღვრის ტესტი.